خدامك نظل يحسين خدامك و إنقبل التراب الداسته أجدامك

يحسين العمر ما يسوه من دونك و نبقه إوياك غصبن عاليعادونك

ساكن دوم بقلوب اليحبونك محرم من يجينه إنعيش بالآمك

يحسين اليريد إبيمنته إكتابه يحضر مجلسك و الدمعه سجابه

و يوصل كربله و آهاته محرابه و يقدم العمر مولاي جدامك

خدام و نظل وياك وفايه و بالمدمع نجيك و تخفق الرايه

نخط إبكل درب يحسين إلك آيه و يآخذنه الشعور الذيج أيامك

نذكرك بالجفيل و رايته الخضره و بصوت الغيور الخنقته العبره

من طاحت يمينه و طاحت اليسره هجمت آل اميه و حرقت إخيامك

نذكرك بالمشت عالنوق مسبيه و تصرخ يا زمن ليش إقطعت بيه

راحت إخوتي و ما ظن بعد جيه و بذاك المسير إتراعي أيتامك

راسك عالرمح و بإيد جتاله قطع درب اليسر و يشاهد الحاله

و بذاك الخطر ما فارق إعياله قطعوا راسك و ما دنقت هامك

للكوفه رحت ما فارقت زينب تعاين راسك إبراس الرمح ينحب

و حق خدر العقيله البلسبي إتعذب ننصب لك عزه إشما طالت أعوامك