نتوادع آنه إوياك... هالليله هالليله

لا تبجي أترجاك ...هالليله هالليله

ريت الصبح لا صار...يا خويه و إحنه إصغار

هالليله هالليله

مشوا و الموت يتبعهم و لا يدرون

ينامون النهار و ليلهم يمشون

نومتهم غريبه لمن ينامون

يفرشون التراب و بيش يتغطون

صار الدرب مجهول ...حاجيني حاجيني

يبن أمي ها شتقول ...حاجيني حاجيني

أنظر يمين إيسار...يا خويه و إحنه إصغار

هالليله هالليله

مصايب كربله بالعين شافوها

حميده بين خيل و نار عافوها

الزغير إيقول يمكن إختي سحقوها

يكسرون القلب لمن يذكروها

و الثاني قال إشلون ...عفناها عفناها

و إعدانه ميرحمون... عفناها عفناها

تتقبل الأعذار...يا خويه و إحنه إصغار

هالليله هالليله

شبه إطيور جنه و لا وكر عدهم

يريد الجائزة و ملهوف صايدهم

كلها إتريد و ابن إزياد رايدهم

يتامه إثنين و آلاف التطاردهم

كل خطوه بيها إوداع ...يا خويه يا خويه

و بيا ثمن ننباع ...يا خويه يا خويه

خلوا علينه أنظار...يا خويه و إحنه إصغار

هالليله هالليله

طول نومهم و الحرمه شافتهم

شافت نورهم و إبهيده صحتهم

إنتوا إمنين وين الأهل سإلتهم

وين حسين سإلت حين عرفتهم

صاح الزغير إبصوت... عرفونه عرفونه

أصبح قريب الموت ...عرفونه عرفونه

من يذبح الخطار...يا خويه و إحنه إصغار

هالليله هالليله

إرتاحوا و المشي بالليل تعبهم

ما يدرون راعي الدار يطلبهم

وصل للدار و أم البيت تحجبهم

دفعها و قال بيدي ايكون أعذبهم

قالوا له إحنه إضيوف... حامينه حامينه

ما ننسه هالمعروف حامينه حامينه

يذبحنه راعي الدار...يا خويه و إحنه إصغار

هالليله هالليله

شهر سيفه اللعين و عاين المنحر

قالوا له يحارث بالحشر تخسر

لإبن إزياد إخذنه و تاخذ الأكثر

و إخذ الجائزة من النبي و حيدر

قالوا له لإبن إزياد ...ودينه ودينه

خل يفعل إشما راد ...ودينه ودينه

خل نندب الكرار...يا خويه و إحنه إصغار

هالليله هالليله

قال إلهم يتامه المسلم أعرفكم

و أنا بغضاً ابمسلم رايد أذبحكم

لأن اضيوف عندي ابهاي أخيركم

منهو يريد أول ينذبح منكم

لن الجبير إيصيح... إذبحني إذبحني

و ابن أمه فوقه إيطيح... إذبحني إذبحني

ما يرحم البتار...يا خويه و إحنه إصغار

هالليله هالليله

قطع راس الجبير الما إله ذمه

و ينظر للزغير إيودع ابن أمه

شبك جثة إخوه و غسل إبدمه

ظل يبجي إعله خيه و إنذبح يمه

قصه و تشيب الراس... نرويها نرويها

لليملك الإحساس... نرويها نرويها

متنه و صبحنه أحرار...يا خويه و إحنه إصغار

هالليله هالليله