هذا يومك يا علي...خل يشوفونك علي

إهجم إعليهم...كلهم إفنيهم

من هو ابن حسين ...قوم راويهم

يا جبل إسحق...فوق واديهم

خلهم يسألون...من برز ليهم

إنت لو حيدر...إنت ناديهم

و بحجر سجيل ...يبني إرميهم

صول صولات الولي...هذا يومك يا علي

سيفك إتسله...خصمك إتذله

و إتشطر إبنصين...مثل أبو الحمله

هاي ألف سبعين ...أدري مو سهله

بس أعرفك حيد... خصمك إتذهله

و البعيد إعليك... كون توصل له

فوق هام الموت ...يا علي إتعله

فوق عاليها إعتلي...هذا يومك يا علي

حملتك وحده ...يا أبو الشده

هم يتحدوك ...و إنت تتحده

بالرقاب اليوم... سيفك إتسله

خلهم يتيهون... و الدرب سده

يا ضوه إعيوني ...هم إلك رده

والدك ضامي... يلتهب جبده

يا حبيبي إرجع إلي...هذا يومك يا علي

ليله إبخيمها ...بُعده كلمها

تنظر الوجهي ...من أجي يمها

هيه تسألني... و آنه أعلمها

تشعر إبهمي... و أشعر إبهمها

يا علي فقدك ...و الله يهضمها

رايد إتشوفك... يبني إرحمها

إرجع أفدي لك هلي...هذا يومك يا علي

يا علي يبني ...لا تعذبني

يالولد و إرباك... و الله تعبني

تالي بالغربه ...يا علي إتذبني

يبني عالناقه... من يركبني

من يجن ليلي ...يمه يرعبني

و الزمن يبني... بيك حاربني

من تبسم عاذلي...هذا يومك يا علي