هاك إخذ رايتك... و إطلع إويه إخوتك

هذي بت فاطمه...بيدك إمسلمه

يا ضوه العين...يا ضوه العين ...عباس إنت الأمل

حين الذي إضعون الفواطم سرت

أم البنين إويه الضعينه إعتنت

و جابت الويلاد الثلاثه و إجت

العباس إبنها و صاحت و حشمت

آه يا قلبي إنفتك...ابسهم فرقتك

بعد ما له شفه...يبني غير الوفه

يا ضوه العين...يا ضوه العين ...عباس إنت الأمل

إسمعني أحجيلك يراعي الشيم

من أقعد آنه إبين بعض الحرم

بيك أفتخر و أشكر الله النعم

إبني أقول إبني اليرف العلم

روحي ما عافتك...من بعد ما عرفتك

إنت للقنطره...و إنت بن حيدره

يا ضوه العين...يا ضوه العين ...عباس إنت الأمل

يبني و بعدني ابذاك حلو العمر

و قمت أتعب إعله إرباك يبني إشكثر

سهر و رضاعه و يسر يبني و عسر

كل هاي ردتك لعد زينب ذخر

أمك الولدتك...و زينب الربتك

و لعد زينب وجب...تنطي حق التعب

يا ضوه العين...يا ضوه العين ...عباس إنت الأمل

من يوم و إنت يا فحل بالمهد

وزينب ابلهفه إتعنتك يالضمد

و صاحت من الباري شريدن بعد

هذا إخوي إعليه يوفي العهد

و طلعت يمنتك...إختك و يسرتك

و غدة بيهن تشم ...فارحه و تبتسم

يا ضوه العين...يا ضوه العين ...عباس إنت الأمل

و إردود راحت و إجت ليك إبعزم

و جابت إوياها سيف أبوك الشهم

و خلته إبطولك و إنت شلته تهم

عالسيف و إتناغيله و تبتسم

و هي من شافتك...فرحة و نادتك

أمنت يالولي...إنت مذخور إلي

يا ضوه العين...يا ضوه العين ...عباس إنت الأمل

و ظلت أخيتك بت علي تنتظر

تكبرتصير إلها حمه إعله الخدر

شتقول يبني اليوم و شتعذر

لا تخلي قلب إختك بعد ينكسر

إختك الناغتك...إمسلمه إبيمنتك

يبني و إنت الكفيل ...بالضعن و الدليل

يا ضوه العين...يا ضوه العين ...عباس إنت الأمل

إسمع أسولفلك بعد هالخبر

إيقولون هاي إختك يراعي الفخر

أمها الزجيه بالحشر يالقمر

ترفع الجفينك الكل البشر

بعد يم شيمتك...هاي و بفكرتك

بيش و بيا ثمن ...إتوافي أم الحسن

يا ضوه العين...يا ضوه العين ...عباس إنت الأمل

وياي يالله إمشي بعد يالولي

زينب و قلها فرحي و إتدللي

و جابت الإخوه و إجت يم بت علي

و صاحت يعباس و دمعها إيهلي

من إيدي لإيدك إجت...و عندك إتودعت

هاك إخذ سلوتك...زينب و عمتك

يا ضوه العين...يا ضوه العين ...عباس إنت الأمل

لمن الحره بت علي شافته

موجب إوياه النشامه إخوته

و إعليها ترفل بالضعن رايته

امن الفرحة تبجي قامت و نادته

من المهد خوتك...يالولي و نخوتك

إوياي و إنت الضمد...إشعندي غير بعد

يا ضوه العين...يا ضوه العين ...عباس إنت الأمل