عاشر محرم هالليله عاشر محرم هالليله

ليلة وداع العايله آخر مسيه إبكربله

أم و ابن إخت و إخو و إتوادعو ابن و أبو

رمله إويه جاسم هالمسه مركب مصايبهن رسه

ليله و إبنها إتودعه يهمل دمعها المدمعه

ما بين الحسين و قمر هالليله يقضوها سهر

و أم الطفل هم حايره تنظر طفله و منحره

سكنه و رقيه إبيا وضع قعدن سوه و يجري الدمع

باجر إذا فجره طلع و العسكر إعليهن فزع

طولي يا ليله إويه الأهل لو رحتي ما يبقه أمل

زينب لخوها إتناشده منهو اليرد هاي العده

علمها كل شي اللي يمر قال إلها يا زينب صبر

حاجاها و إيهل ناظره و إسكينه كسرت خاطره

إسكينه خويه إتألمت صبريها باجر لو بجت

و إرقيه فرقاها صعب شوفتها تكسر كل قلب