شبه البدر و أجمل بعد جاسم طلع من خيمته

يتبختر إبثوب العرس و إتقوده أمه و عمته

قلهم بني هاشم إجو حضروا عمامه الزفته

زينب تهلهل بالخيم و إسكينه تسلم نادته

يمه علي الأكبر إجه يشعلها بيده شمعته

شافه أبو اليمه و بجه شارك إخوه إبفرحته

و سبعين ألف سيف و رمح وي كربله منتظرته

خيل و زلم بس ما وصل للحومه كلها إتلقته

و رمله بقت تتأمله بلكت يرد من سفرته

شافت أبو الأكبر ركض و إتألمت من شافته

ساعه و رجع ليها الولد متحني من دم رقبته

ركضت تصيح إبلا وعي جاسم ييمه و شبكته