خالد يبقه حسين و يومه ما ننسه حسيناه

نقسم بلزهره المظلومه ما ننسه حسيناه

يحسين يومك للحشر ما ننساه حبك ملكنه من المهد عشنه إوياه

عشرة عمر يا سيدي عاشرناه عافتنه كل الدنيه بس ما عفناه

ظلت صرختنه المعلومه ما ننسه حسيناه

شيعتك ما تخلف عهد تدريها تنطي العهود و عالذبح توفيها

عالحق طبعها من طبع واليها إشقد حكمت و جارت طغاة إعليها

بالدم إحروفك مرسومه ما ننسه حسيناه

بإسمك يبن حامي الحمه نادينه إنطينه العهد و إعله العهد ظلينه

إعدانه روافض قامت إتسمينه نادينه نرفض كل شي ضد والينه

كل يوم إنردد بالحومه ما ننسه حسيناه

ما همنه كل شي و إعتنينه إنزورك يالشلت روس أحبابك إبعاشورك

يا من سلكنه إدروب حبنه إبنورك إنذرنا لك أرواح و فدينه إنذورك

خل حبنه العدوان إتلومه ما ننسه حسيناه

يا ما إعله حبك سيدي لامونه منك ينور إعيونه منعونه

ذبحونه لاجن ما نرد شافونه هيهات عن حسينه إتبعدونه

و الساوم ما ينفع سومه ما ننسه حسيناه

لا و حق نحرك سيدي و فيض إدماك وياك دنيه و آخره إنظل وياك

للحشر يبقه إبكربله إيرف إلواك برواحنه يبن الزجيه نفداك

خدر المسبيه المهضومه ما ننسه حسيناه