و حين الشافها العباس تتعثر إبممشاها

طلع من خيمته مغضب و الزينب تلقاها

هله يا زينب إيقلها ...هله يا سلوتي كلها

زينب لعد كافلها

صدت و القلب داوي و إختنقت إبعبرتها

أسولفلك يبو فاضل عودك ليش راد أمك

و عن طيبة نسب حره أبونه من نشد عمك

إنت غايته منها و إلها النايبه ضمك

أبونه المثل هذا اليوم ...ضمك ذخر يا جيدوم

هاي الخيل هاي القوم

و هذي كربله و عودك وصيته هاي ساعتها

إغتاظ و قال يا زينب شنهي الخيل و إتهمج

أخوتي و صارمي بيدي و فنه اليقحم إخيمج

و حق الحسن يا زينب و جبده و كسر ضلع أمج

لخلي إجموعها طشار ...و أخلي النايحه إبكل دار

و أخلي كربله تذكار

و أخلي الناس جيلٍ جيل ما ينسون عملتها

و ثلثتنعام أبو فاضل مثلما قال سواها

فنه ذيك الزلم و الخيل تموج إمرود خلاها

و زينب واقفه و إتشوف وبعباس تتباها

ساعه و طاحت الرايه ...من أخوها إعله المسنايه

طاح و ظلت الثايه

طاح و صاح أبو فاضل يا زينب و هضمتها

طاح وصاح يا زينب العذر مني لله وليج

لون ايدي تلوح السيف ماجان العدا توليج

يا زينب هامتي وعيني ويميني ويسرتي تفديج

يا زينب من توفيني ...وحياة امج تعذريني

وسهم النايبه بعيني

يا زينب تشوفينه جان لجبدتج فتها