يالمختار يالمختار حيلي إنهدم يالمختار

فاطمه إتنادي بالآلام يا بويه خانت الأيام

و جرح القلب ما يلتام و الدهر تدري غدار

يالهادي ذبني دهري و إحترت عقبك بأمري

و إنصابت روحي تدري فكري يا رجواي إحتار

دمعي عليك إتحدر قلبي إنشعب و إتفطر

و نار النوايب تسعر متقلي شيطفي النار

يا بويه عاين حالي متحيره يالوالي

و ريتك تظل إقبالي تزهي من عندك لنوار

يا ريته عمري لا طال و لا شوفك ابهذا الحال

ركن الصبر بعدك مال و إمصابك حير لفكار

دهري رماني إبغدره خلاني أجذب حسره

كسري كسر شيجبره و دمعي عله الخد مدرار

ضلعي إنحنه من همي و من لوعتي و من هضمي

هالأمر أصبح حتمي إبفقدك يا نور الأبصار