بنت الهادي و ظلموني تشهد دمعات إعيوني

ما نشفت دمعة عيني مظلومه إختمت إسنيني

محد جان إيواسيني من قوم اللي روعوني

جم شوغه بيه و حسره تتفسر منها الصخره

و إبجفني إتموت العبره سلبوا حقي و هضموني

إشعدهم ويايه إشعدهم عادوني و لا من ردهم

مو آنه اوديعه عدهم إشلون اوديعه و ضيعوني

ضيعوني و جاروا ضدي سلبوا ميراث العندي

الله و داسوا حدي ظلام و لا هابوني

للدار إتعنوا ليه إتناسوا حرمة راعيه

و جسروا يا وسفه اعليه بالباب إمن إيعصروني

عصروني و ضلعي إتكسر و مسمار الباب الأثر

باجر لو صار المحشر إبيا عذر إمن إيعذروني

وين اللي يجري إدموعه مظلوم إينادي إبلوعه

آنه الزهره المفجوعه أسمع من إتنادوني

مظلومه نادوا إبعبره يا شيعه و آنه الزهره

الواساني إعيوني إتنظره ابها المأتم بيه تلقوني