قلها التاج شلج بيه هذا اعله الرمح راسه

من إخيمها ابظهر عاشور طلعت هايمه زينب

وبين مسالب العدوان و إخيام البقت تلهب

شافت تاج أخوها حسين بجفوف العده امسلب

تعنت والدمع هالي... تصيح بحسرة الوالي

يسلاب ارحم ابحالي

وراعي التاج لا لتقول قطعوا آخر انفاسه

ظلت زينب ابدهشه تناشد عدوا لا ذمه

صدق هذا الذي بيدك يمكدر تاج ابو اليمه

صدق هذا الذي فوقه حمَار اخضاب من دمه

اعرفه الدم اخويه حسين ...وهذا التاج اعرفه زين

لجن لباسه قلي وين

شمالك ماتجاوبني ارحم قلبي واحساسه

تقله يا نذير الشوم ابحالي ماترحمونه

قبلك دون خياله عود النه ميمونه

هسا تاجه شفته اوياك لاجن منخضب لونه

قلها شلج بالهالتاج... اخوج امقطع الاوداج

راسه اعله الرمح وهاج راسه اعلى الرمح وهاج

جسمه اعله الارض مطروح وشجم حافر الداسه

التفتت للرمح لنها تشوف ابراسه راس حسين

قامت عالوجه تلطم بيديها وتخمش الخدين

اصرخت خل يبعد برمحه شله وي لمت نساوين

وبراس الولي المنحور... ليش اعلى الخيام يدور

خل يرحم بنات اخدور

ماظن لو تصد للراس تقدر بعد تتناسه

ياشيال الرمح صاحت عساها انشلت ايمينك

تراوي الراس للنسوان قلي شبينها وبينك

رجوله لو تحسبها بوجود القمر وينك

لو يمنه قمر عدنان ...ياظالم ابد ماجان

تتمرجل على النسوان

ونحر حسين مايذبحوه لو اجه يمه عباسه