يا خويه حل وكت الوفه وينك يوفاي ...جا ترضه لوعنه العطش إنهض يرجواي

عباس آنه إختك لو ردت أتعاتب إوياك ...إنت الجتني امن الوطن يا خويه بحماك

طول الدرب تبره الضعن سهرانه عيناك ...نعم الإخو يا با الفضل يا قمر دنياي

جيتك يا خويه أطلب طلب منك يمغوار ...إنهض يبن حامي الحمه جرد البتار

كلها إعله جودك شابحه يا خويه الأنظار ...يا خويه أطفال و حرم تتعاتب إوياي

زينب لخوها إتعاتبه و إتهل الدموع ...يا با الفضل درب النهر جا ترضه مقطوع

و إمن الضمه أطفال و حرم تتلوه و إتلوع ...يا خيمه لقصدها يا خويه تطلب الماي

راعي الوفه لمن سمع زينب تحشمه ...سل صارمه و طب حومته مغضب إبعزمه

هذا بن حماي الحمه و معروف إسمه ...صاحب الغيره و الفخر و الهيبه و الراي

راح و على دربه بقت تربي و تتاني ...صاحت يذخري إبدنيتي و كل الأماني

ودعتك و حيلي إنهدم مدري إشدهاني ...لوني إنخطف خويه و غدت تتراجف إعضاي

منتظره خوها الجيته شابح نظرها ...ما يبطي واعدها يرد سالم قمرها

حقها العقيله يا خلق ينفذ صبرها ...صاحت فلا أقطع بعد لفراقك إبجاي

صوب أبو اليمه إتوجهت و إتنادي يحسين ...عباس إخويه إشعطله خبرني جاوين

قلها يزينب عالنهر قطعوا الجفين ...صاحت يخويه إشهالخبر مو قطع إحشاي