نفدي الروح... للمذبوح ... ضامي الغاضرية

لو له محبتك يحسين شنهي العمر فايدته

و لوله ذبحتك مولاي و الضيم الجره و شفته

جان الحق بقه مغصوب و إلسان العدل سكته

شوغة كل جرح إنته ... آه إبكل قلب إنته

دوم إوياك... ما ننساك... و الزهره الزجيه

نخدم مو طمع دنيه و لا عدنه أمل شهره

لجن حبك يعت بالروحو إسمك بالقلب جمره

سلوتنه بمآسينه نوح و مدمع و حسره

يرخص كل شي لعيونك و حق ضلع أمك الزهره

وي كل يوم... يالمظلوم ... نلهج للمنيه

خدمه خالصه الشخصك يا مظلوم يا عطشان

عشاقك يبو اليمه و بإسمك سيدي العنوان

و إحنه إعليك محسوبين ما نتبع إبخط فلان

سفينتنه يبو الأكبر و بيد المرتضه السكان

دم إنحور... من عاشور... مختومه الهويه

يالتنشد على إسمي و أهلي و البلاد من إنين

آنه جعفري المذهب و خادم لبو اليمه حسين

و كونك ما تصدقني و عايش عمرك إبرايين

تلقه إبكل دمه إحروفه و نلقه صورته ابكل عين

تلقه إجروح... تالي إتفوح ... و الونه شجيه

واجب خدمتك يحسين ذمه إبرقبة الشيعه

إلك طعنا منو مثلك بعد يستاهل إنطيعه

واحد يوصي بالثاني لحسين العمر بيعه

لأن لولاك يالضامي جا ضعنه أشد ضيعه

صوت الصاح... هاك أرواح ... شيعتكم هديه

نرجو المعذره مولاي أخاف إمقصرين إوياك

لا تحسب جفه منا مجبورين فارقناك

حفرنا لك قبر بالروح يا بحر الوفه و زرناك

حشه تنسه يبو الأكبر دنيه و آخره بحماك

ثار الله... ما ننساه... فخر الهاشميه