الدمع و النوح يوالفنه ...و تسيل إجروح عواطفنه

إلك جم روح مشتاقه...تريد إوياك تتلاقه

تسيل إجروح عواطفنه

حنينه لتراب العشق الطف كربله حنينه

ما بينه نتحمل بعد بعدك أبد ما بينه

قلبك يحن إعله العدو يحسين حن إعلينه

و فقدك يبو اليمه صعب جمره و تظل تجوينه

ذبحنه الشوق إشكبر همه...و نحن كالنوق يبو اليمه

حنين الروح جالناقه...تريد إوياك تتلاقه

تسيل إجروح عواطفنه

حنت إلك مكه و منه جا ليش ما تحن يحسين

يا عين تحمل فرقتك مو حقها لو تعمه العين

محروم من ماي العذب من إزيارتك محرومين

يا وسفه شيعتكم تون من فرقتك صار إسنين

قضت إشجم عام عله الفرقه ...الجفن ما نام عله الملقه

الدموع إتهيج أشواقه...تريد إوياك تتلاقه

تسيل إجروح عواطفنه

يحسين بعدك مو سهل يالعايش إبوسط الروح

خدام عندك بالغرب متنطره و دوم إتنوح

لزيارتك تبجي و تحن هجرك لجم بيها إجروح

تنصب عزاها إبغربتك آه يالغريب المذبوح

عله العزيات تربينه...و ترف رايات تعازينه

الحزن عاشور و إطباقه ...تريد إوياك تتلاقه

تسيل إجروح عواطفنه

ردنه التعازي إبكربله يم الذبيح العطشان

إتظل كربله اليوم الحشر ما تطفه بيها النيران

إبعين المصايب لو تصد إتشوف السبط عالتربان

و إتشوف أطفال و حرم تبجي إعله فقد الوليان

تشوف النار بالمخيم...الفزع جرار عليه ملتم

و تشوف إقلوب خفاقه...تريد إوياك تتلاقه

تسيل إجروح عواطفنه

إتشوف اليتامه إبكربله إخيول العده إتروعها

ما تدري إلمن تتجه و يم من تصب مدمعها

ما تقدر إتطفي الخيم إجيوش العده تفزعها

يا هو التحشمه و ينتخي و ياهو الذي يسمعها

هجوم الخيل يمرمرها...و سواد الليل يحيرها

تون للوالي و لفراقه...تريد إوياك تتلاقه

تسيل إجروح عواطفنه

الله يا ليل الهضم للعايله إشراواها

لا خيمه عدها و لا حمه و فوق الترب ولياها

و عين العقيله إعله النهر إتنادي الجفيل إحماها

عباس لحق عالحرم عنك قرب ممشاها

دخيلك قوم يوالينه...علينه إتحوم أعادينه

جفيل العايله إشعاقه ...تريد إوياك تتلاقه

تسيل إجروح عواطفنه