يغايب زينب إنشدها...جوابك و الخبر عدها

إجت مهيوبه محشومه...و مشت مسبيه مهضومه...جوابك و الخبر عدها

عسن شهر الحزن ما بيّن إهلاله ...هيج بالقلوب إجروح جتاله

عله الحمّل أطفاله إبليل و إعياله ...و من سار الضعن و القمر يبراله

تلوح الرايه بيمينه ...و لا غمض جفن عينه

لجل إخته هجر نومه...و مشت مسبيه مهضومه...جوابك و الخبر عدها

يغايب عمتك ما تهِده محنتها...ابهيبه و قدر من الوطن جيتها

و جفيلي الضعن نوّخ بيده ناقتها...و من ردت دقلي إشلون ردتها

غريبه و من بقه إوياها...و لوين الزمن وداها

بت حيدر المعلومه...و مشت مسبيه مهضومه...جوابك و الخبر عدها

يغايب لو تناشدها اعله بلواها...و جم لوعه و مصاب الزمن راواها

من كسر الضلع ما قطعت إبجاها...و من ذاك الوكت و أظلمت دنياها

يتيمه من زغر سنها...و عمرها قضته إبونها

من أبوها و أمها محرومه...و مشت مسبيه مهضومه...جوابك و الخبر عدها

عتب يبن الحسن عمتك عدها إوياك...تاخذ ثار إخوها حسين تترجاك

و تحامي شيعته المتعلقه بحماك...نخوة قلب ذاب إمن الهضم تنخاك

و تخبرك عن مصيبتها...ابيوم الذبحوا إخوتها

و من مرت عله الحومه...و مشت مسبيه مهضومه...جوابك و الخبر عدها

جم إهلال شفنه للحزن و النوح...و إهلالك يغايب مته إبضيه إيلوح

و يا يوم القبر جدك حسين إتروح...إتصيح ابيا ذنب من القفه مذبوح

و إبجبده السهم صابه ...و ليش إنسلبت إثيابه

و يتامه و حرم مظلومه...و مشت مسبيه مهضومه...جوابك و الخبر عدها

عن طلعتك يالغايب خبر مذكور...تصيح الثار يوم العاشر إبعاشور

تقوم إبجبر خاطر زينب المكسور...و إتبرد قلبها البلحزن مجمور

و تنشف إدموع التهلها...إعله خوها القمر جافلها

و لا يوم النست يومه ...و مشت مسبيه مهضومه...جوابك و الخبر عدها