يم نهر الصبر يتنطرك عطشان يم مهد الجروح إنتظرتك رضعان

للآن الخيم بيها لهب للآن للآن الضحايه تنزف و هالنار

ما بعد الضحايه أكثر إتمهلك و ما غيرك يشد إجروح هاي أهلك

خل مهر الليالي الكربله إيوصلك ليك من الطفوف إتجهت الأنظار

يا ثار السمه كل عين منتظره و كل جثة شهيد إبدمها متعفره

حته اليرضع إبدم إنتهى صبره عينه الدربك و متنيمه الأعذار

هاي أشلاء تتناثر عله القبله هاي إضلوع من إصدور منفصله

هاي إعيون ضاعت من وجه طفله هاي أطفال بس روس إعله درب المار

نار اللي إجت من يا كتر إنشد حرقت مرقد و بيها إنهدم مسجد

كل هاي العلايم سيدي اتأكد عالطلعه و عصر هذا الظهورك صار

تصبر كربله يا سيدي اليا حين و هاي اعله الشريعه تنتظر جفين

بيدك رادت إتطلع سهم من عين عباس و تقله اليوم يوم الثار