بيش مطلوب الرضيع إبكربله إبسهم المثلث يذبحه حرمله

إشجان ذنبه و شنهو جانت سايته هالطفل حرمله إيصوب رقبته

و إنذبح عطشان ويلي و جبدته أشد من نار العطش متحمله

رجع بيه حسين ميت للخيم لاجن إمقطع وريده بالسهم

و طلعت من الخيم أطفال و حرم تصرخ و دارت عليه العايله

لفت ليه اسكينه و هي إبغير راي إتصيح بويه إتوجرت لبت إحشاي

جيت إخوي و هم إلي فضّلت ماي و آنه يا بويه عليك إمعوله

من سمع قال إلها هاك إخذي الطفل إبهيده يعيوني تراه هو منجتل

بالسهم ميت إخوج و مو عدل إنطاها طفله و المدامع هامله