ليش هالأحزان يا أم الوفه و فوق خد شيبج إدموع العاطفه

إنتي رديتهم إقبال العاصفه سور يحمون الإخو هالأربعه

وفوا و ما قصروا يم البنين و لبسوا إثياب الشهاده الطيبين

وقفوا إبطف كربله دون الحسين و كل بطل عالوفه يشهد مصرعه

قدم العباس بيده إخوته و ما رجع منهم أخو من حومته

و ظل أبو فاضل يفي إبرايته على حسين و ما يفارق موضعه

يصبر ابيا قلب عباس الشيم و ليه إجت صرخات هاي من الخيم

إتقله قلب حسين ضامي و الحرم و الطفل من الضمه جف مرضعه

حمل حملة حيدر إحتل النهر و طلع وكت الظهر عالماي القمر

و من رجع لن عثر بيه سيف القدر قطع إجفوفه و هوه عالمشرعه

ما تألم عالجفوف الضهدته إتألم من إتبده جوده إبرجعته

مثل دمع العين نبله الصابته و راسه هشموه للخيم شيرجعه