يشيعه آنه الضهدني النوح ...و أبويه من القفه مذبوح

أون لليوم ...أنا المسموم...و أبويه من القفه مذبوح

آنه ابن الزجيه و رحمة المعبود...الصفا و المروه يالتنشد إليَّ إشهود

يشيعه آنه المثل حزني فلا موجود...وينه العنده عبره إعلينه بيها إيجود

اليهل لمصابي دمع العين...بالمحشر يحقني إبدين

إله أتشفع...فلا أهجع...و أبويه من القفه مذبوح

و من أشفع يصد ليَّ اليواسيني...يشوف إعله الوجن دم إتهمل عيني

و يرد إجواب قلبي لليحاجيني...أنا البلنوح خلصت زهرة إسنيني

آنه البلحزن معروف...و مثل ضيمي فلا مشيوف

حرت بأمري...و خلص صبري...و أبويه من القفه مذبوح

أريد النوب أحجي عالذي إنظرته ...إبطف كربله قلبي ضهدته ونته

و إبويه إعله الأرض عاري الجسد شفته ...محزوز النحر و إمسلبه جثته

ق_ص_دت_ه إب_ح_س_ره ل_ل_م_ص_رع

ت_ري_ب إن_ظ_رت_ه و إم_ق_ط_ع

حرت يمه ...إشيلم جسمه ...و أبويه من القفه مذبوح

و الأكلف يشيعه شدت الحره...شفتها إمحيره إبهمها و تجر حسره

يعمه إتصيح أخيي قطعوا نحره...تقول إشلون أشمه إشلون يالزهره

يريت الصابه صوبني...و بدال ابن أمي وذرني

كثر نوحي...و شلي بروحي...و أبويه من القفه مذبوح

و أنا الصديت جثة فارس إمعفر...و الصوبه إعتنيت و جذمي تتعثر

الرسول الله حرت هالجثه لو للحيدر...و لمن قربت لنه علي الأكبر

يشيعه إشلون صديته...إخويي إموذر إلقيته

الدمع همال...أصد للحال...و أبويه من القفه مذبوح

يشيعه إبكربله إجرعت الغصص و الويل...الحرايرنه تولتها الزلم و الخيل

و ما ظل ساتر إلها بس ظلام الليل...و لن صرخات طفله أسمع تهد الحيل

تعنت للشريعه إتلوب...و النار إعتلت بالثوب

ولتنه الناس...يا عباس...و أبويه من القفه مذبوح