أطلبهم يالحادي إرباهم...أمهم و أتوادع وياهم

شمعة عيني ...تعب إسنيني

على إتراب المدينه قطّرة جم عين ...من شد الضعينه للعراق حسين

و صوت أم البنين إينادي رايح وين ...يحادي إنريد ساعه إنودع الماشين

إنت إبضعنك ماخذ روحي ...يالصوتك يلجم بجروحي

دوله إبنيني...شمعة عيني

بنيني و إبوصيه أرد أوصيهم ...ساهرت الليالي و حقي إعليهم

حجي الطلاب حقي اليوم أحاجيهم ...و أشوفن درتي هم بينّت بيهم

آنه أحجي و هم إيسمعوني ...وياهم دوم إيشوفوني

اطلب ديني...شمعة عيني

سهر ليلي و مراري و تعبي ما ريده ...أريدن كل عضيد إيوفي لعضيده

لجل حسين كلمن يرخص إوريده ...إخوكم يالنشامه و الأمر بيده

مو إبني الما يرخص عمره ...لحسين ابن البضعه الزهره

لجل حسيني...شمعة عيني

عمركم من زغر لجل السبط مبيوع ...قلبكم هو أريدنكم حوله صيروا إضلوع

إعلقوا إرموشكم لبن الزجيه إشموع ...قبلكم بيه قلبي إمصوب و مفجوع

والدكم أذكر جلماته ...خوفي من البين و غدراته

شيراويني...شمعة عيني

و بعد عندي وصيه الكافل الحره ...ناموس الإمامه إبشاربك خدره

اليكفل بت علي يوليدي ما عذره ...إله تنقطع يمناه و اليسره

وعدك هذا و سيفك يومه ...إتوفي إختك هاي المظلومه

و إت_وف_ي_ن_ي...شمعة عيني

الإخت ويه الإخو كون إبكفاله إتقوم ...خدرها إيظل عزيز إبهيبته و محشوم

ما حد شافها من صارت و لليوم ...هيه الربتك يا ناصر المظلوم

ما قامت لو ما تكفلها ...تتسلم بيدك محملها

يمواسيني...شمعة عيني

و بعد يحسين صاحت يبني إذكرني ...إفراقك يا ضوه إعيوني يمرمرني

إذا عندي قصور إوياكم إعذرني ...بعد هيهات فرحه إخلافك إتمرني

يالوالي و يا ظنوة حيدر ...قلبي إعله إفراقك يتمرمر

شتوصيني...شمعة عيني