حكم إيزيد إنقله لا هيهات...ما نرضه إعله الذله لا هيهات
لو نتقطع...لا ما نرجع...لا هيهات
إحنه أنصار الرساله و الولايه و الإمامه
لو رحل روح الزجيه ذله من بعده السلامه
و الأبي و صاحب قضيه دمه لجل الحق وسامه
عهد عاهدنه محمد و ثابت اليوم القيامه
هالجلمه إكتبناها... لا هيهات
بالدم ما ننساها... لا ههيات
و الكل تسمع ...لا ما نرجع...لا هيهات
ابهالدرب عن وعي رحنه و هدف آخرته رسمنه
عهد عاهدنه أبو اليمه و ما نعز إعليه دمنه
و بخدر إخته العقيله قبله نتوذر قسمنه
و من إجينه إنطحي لجله حضنه هالمره خدمنه
ما نخضع للظالم ...لا هيهات
و لا نقبل و إنسالم ... لا هيهات
عن المصرع...لا ما نرجع...لا هيهات
إبوجه الأبيض نمشي عن هالدنيه و الذل ما نطيعه
و باجر إنلاقي الصميده و النبي و بنته الوديعه
و ينختم صك الولايه من علي و يحسبنه شيعه
شرف لو واحد يضحي القائده و رمزه و شفيعه
ما نترك والينه... لا هيهات
إنصافح غير إيمينه... لا هيهات
عن اليشفع...لا ما نرجع...لا هيهات
إحنه حكّمنه أمرنه و بالقلب شفنه الحقيقه
و الفهم معنه العقيده يرسم إبدمه طريقه
يرفض الذل إبحياته و ضده يوقف ما يطيقه
و دمه كون إيعرفه إلمن و إبنفع من من يريقه
حسين إشلون إنعوفه... لا هيهات
إشلون إوحيد إنشوفه... لا هيهات
مر تتجرع...لا ما نرجع...لا هيهات
الغيره معروفه أصلها بالجباه الهاشميه
نسبق إنحور الهواشم و نقصد السوح المنيه
خل نوسمها إبدمانه و بينه تبدي الغاضريه
و تنفجع بينه حرمنه قبل بت حامي الحميه
بالطف ما نتعذر... لا هيهات
إشلون إنعز المنحر ...لا هيهات
لا و الأنزع...لا ما نرجع...لا هيهات
إموجله بت الصميده يا عُمر ما يرخص إلها
و يا أبو اليوصل أبوها و أمها يا أم المثلها
هذي ناموس الولايه إو يا هو ما يعرف أهلها
صدق كافلها وليها إنضحي إلها ووللكفلها
عدلين و تتحسر ...لا هيهات
ما تنذل بت حيدر... لا هيهات
إتهل المدمع...لا ما نرجع...لا هيهات
إجري بالحق يا دمانه بالطفوف و إحجي إنته
تجري وي دم الرساله شرف عالي البيه حملته
للحشر خالد وجودك نعم الحساب الحسبته
و إنت دين الله و رسوله إبقلة الناصر نصرته
مثلك يا هو إتشرف... لا ههيات
يا هو البيك إتوصف... لا هيهات
للحق نطلع...لا ما نرجع...لا هيهاتحكم إيزيد إنقله لا هيهات
قصائد قريبة من الجو نفسه
ديوان السادة
51
سطرًا
