يحسين إلحق غدروا مسلم يحسين إلحق غدروا مسلم

صوت من الكوفه إتعنى لك ذبحوا واحد من أبطالك

بس قبل الغدره ما جالك إشسوه إبهاي الناس التنقم

يحسين إويا ريت إتشوفه من بجاها إعيون الكوفه

جن سيف الأنزع بجفوفه جن مشيت حيدر من يقدم

ناس الغدرت ما يعذرها أعمار إبسيفه إيقصرها

أبطال الكوفه إتخيرها إختار إبناس الصاحت إقدم

من صاحوا إقدم لباهم بسما جان إيفيد إوياهم

صحت بالغدره دنياهم و بدمهم خلاها إتغيم

مغروره الكوفه بوادمها و هالفارس عالخوف أرغمها

مسلم دم بجه إجماجمها ابهالساحه و سيفه المتبسم

مسلم هذا إرباة الأنزع حر و ما لأهل الذل يخضع

روس الشحت قامت تركع و للخوف أشجعهم مستسلم

مسلم أول آية إتوصف يبن الزهره إبقرآن الطف

بس ليش الصله ابها أول صف أول سياف إعليه يهجم

مسلم حر و من بيه غدروا خانوه و للظالم نصروا

و إعليه ما قدروا بس حفروا حفره إعليها الموت إمخيم

للوادم يحسين إرسلته بين الوادم ظل لو شفته

قطعوا راسه و سحبوا جثته و إبجيتك للغدره إتمم

يحسين و مسلم خلالك طفله إيتيمه إبيّن إعيالك

أول مظلومه إويه أطفالك و لطفالك هم راح إتيتم