مسلم وصل غايته القاصد ليها ماتت الأمه و إعتنه يحميها

و بعد الضلاله للرشد يهديها و من العذاب و شدته إينجيها

مصلح و كل نيته وصل مسلم غايته

ناس الذي ودت كتب بالالاف وصلت حسين إموقعه بيها الأشراف

طحنه إبخطر من الخطر قمنه إنخاف و الطاغي ما عدنه ضمير و إنصاف

هاي كتب الوصلته وصل مسلم غايته

و مسلم إجه إبراي الحسين إيقلها طيعوا السفير القاصد إيمثلها

إيطالب إبحقها و هو قائد إلها ينقذها من ظلم الأشرار و ذلها

و من لفاها إتلقته وصل مسلم غايته

ناس الذي اتلقته ابذاك الإصرار و عرفت القاصد ابن أخو حامي الجار

إشغير وضعها و تالي صارت أشرار و الضيفه ما واحد فتح الدار

حرمه طوعه و حييته وصل مسلم غايته

إنقلبت أشرار الوادم إشيهديها و لا موعظه إتأثر و تنفع بيها

و لازم يقاتلها و يصول إعليها و شمرة علي عقد الوله إيراويها

و حين شافت شمرته وصل مسلم غايته

من شافته إبصولة علي إيذكرها و كر الذبايح غده إبسيفه يكرها

و يشت شملها إبزوده و يحيرها فكرت حفره للغدر تحفرها

يا وسافه و غدرته وصل مسلم غايته