واحسيناً واحسيناً واحسيناً ... واحسين

يا حسين الك مجره الدمع ... ما ينشف و ما ينقطع

زينب تراني بهالوضع ... وانته اعله حالي مطلع

صوت المصيبه يرتفع ... لخيمنه من صار الفزع

عالغبره شفتك منصرع ... نحرك يخويه منقطع

إبعيني شفتك ... من حضرتك... آنه أختك... واحسين

من داسوا احدود الخيم ... ناديتك و صحت بألم

لحق يخويه اعله لحرم ... العيله انسبت يبو الشيم

ركن الصبر مني انهدم ... من السلب محد سلم

و آمالي خيبها السهم ... لمن وكع راعي العلم

ناري تلهب... قلبي عطب... آنه زينب... واحسين

ودعتك و حيلي دمعي همل ... ما ظل بعد عندي أمل

فاركني يخويه الأجل ... فكري يبو اليمه اندهل

وين التعهد و الكفل ... خل يقعد ايشوف اشحصل

عشنه المذله و الوجل ... و محد على زينب سأل

إبهذا عتبي... ينعه قلبي... إعيوني تربي ... واحسين

يالعفتك بطف كربله ... وجهك على وجه الفله

متحيره و متوجله ... رحت وي سبي العايله

بصوت الشمر وليه وله ... امتوني يبن عقد الوله

مكفوله جنت امدلله ... و هسه صرت متكفله

أتمنه موتي... بعد إخوتي... يعله صوتي... واحسين

ريته أنذبح قبل إخوتي... و لا أظل وحيده إبغربتي

يا محنتي و يا ذلتي... حيره يا خويه حيرتي

حرقوا عليه خيمتي... و بالصحره هاجت عيلتي

يا هو اللي يسمع شكوتي... و يا هو الينشف دمعتي

حيروني... و مرمروني... و يسروني... واحسين