ماي ماي ماي... و الموعد طال

ماي ماي ماي ...وين الكفال

يا عباس و يومك هذا بيه موعود

طفل حسين يناشد وينه راعي الجود

لجل حسين و لجل أطفاله ضحي إزنود

ماي ماي ماي... و المدمع سال

وين الكافل وين الحامي و الرواي

يا عباس الكل تنتظرك جيب الماي

و إسكينه إتسكت عبدالله عمك جاي

ماي ماي ماي... نار الدلال

طفله و عطشانه و تتألم طفله إتنوح

طفله التسعر نار إضماها وين إتروح

تزحف راحت طفله العمها هاك الروح

ماي ماي ماي... ترضه إبهالحال

طفله إتقلك يا عم يومك هذا اليوم

طفله التوقع من إضماها طفله إتقوم

طفله التمسح خدها إبجودك طفله إتحوم

ماي ماي ماي... بيك الامال

زينب من شافت هالحاله راحت ليك

أطفال التصرخ عطشانه و متظريك

و الطفل اليرضع مشبوحه عينه إعليك

ماي ماي ماي... إرجع بالحال

يا خويه المتكفل خدري جيت إوياك

سل سيفك خل يبرد قلبي شيل إلواك

جيب الماي و فرح زينب رغم إعداي

ماي ماي ماي... و الضيغم صال