يا ريتك إتعود صحت ماريدن الماي طاح القلب لمن طحت يا لبت إحشاي

للمشرعه لمن رحت يا صاحب الجود مشبوحه عيني اعله الدرب و أتأمل إتعود

أتنطر إو دمعي جمر يحفر بلخدود و كل ظنتي اعليه ترد سالم يوفاي

ما بين أقطع ضنتي و ما بين لآمال و ما بين الخيام أصبحت أفتر ابيا حال

و يا خيمه أوصلها العطش تصرخ الأطفال و إشلون أصبرها حرت ما عندي كل راي

بالي إنشده يا با الفضل و القلب محتار و سكنه تناشدني إجت عنك يمغوار

و إتقلي عمي اشعطله و ما رجعت أخبار بالجيه عباس البطل متواعد إوياي

زينب الجانت تنتظر يرجع وليها واعدها يرجع لاجن اتعطل عليها

متقبعه بالهم و الحزن تصفج بيديها و صاحت يخويه اشعطلك سالم يرجواي

عالخبر معتنيه إجت تنشد من الحسين يقلها الجفوفه اتقطعت و إنصابت العين

صاحت يخويه جا بعد ننطي الوجه وين عقب الجفيل اشأنتظر من تهجم إعداي

صاحت يجافل هيبتي و لطمت عله الراس وينك يذخري و غايتي صاحب النوماس

خويه يهضموني العده تقبل يعباس يالتحضر إبيوم الشدد هاي الشدد هاي