يا با الفضل للمشرعه لمن تعنيت ودعتك و سالم ترد يا خويه ناديت

ياللي جبتني امن الوطن محشومه بحماك كل ظني ترجع لي و قلت يالوالي أتناك

لو بيدي يا خويه رحت للحومه وياك خويه يعباس أنذبح قبلك تمنيت

و لمن وصل ليه الخبر طايح يعباس بالعشره يا خويه قمت ألطم عله الراس

و من حرقتي صحت و نحت سالم ينبراس قبل الخبر قلت الأجل ماخذني ياريت

قطعت سباح القلب قطعت الجفين يا با الفضل سهم الذي صوبك بالعين

اعيوني الطفاها و ناشدت درب النهر وين دلوني وين المشرعه يا خلق ناديت

أرد أعتني الراعي العلم و أندب يوفاي الماي الحرمني شوفتك ماريدن الماي

و أرضه يموتني الضمه يا قمر دنياي فدوه لك روحي و مهجتي لو جان ظليت

إتذكرت خدري و هيبتي و بيتي المعمور و إنت جفيلي و العلم باليمنه منشور

و للموطن ابيا حاله أرد و القلب مكسور و أمك شجاوبها لون يخويه رديت

و لمن وصل ليه الخبر طايح يعباس بالعشره يا خويه قمت ألطم عله الراس

و من حرقتي ابعالي صحت سالم ينبراس قبل الخبر قلت الأجل ماخذني يا ريت