يعبدالله سهم نحرك مردنه مثلك يا بعد بيتي مردنه

ردنه ابماي تتروه مردنه نشوفك فايض ابدم المنيه

يعبدالله ذبل بالعطش ورداك بسبب صوبك سهم البين ورداك

إبدليل الماي صار إدماك ورداك و أنه إبدال الخدر أطلع سبيه

يدفان الجرح قلبي شله اوياك عله التربان عبدالله شله اوياك

إنشده الحرمله و قله شله اوياك الطفل و اتصوبه ابسهم المنيه

مصاب الطفل چم مدمع به انصاب يحگلي ابكل أرض مأتم به انصاب

سهم الصاب عبد الله به انصاب دليلي ، وشفت وياه المنيَّه

يَبو السَجّادْ گِلّي شْصارْ وَجْرَه أهَيِّسْ نارْ حَدْرِ الظِلِعْ وَجْرَه

يِگِلْها الطِفِلْ دَمّهْ سالْ وَجْرَه رَضيعِ اوْ فُطْمِتَه سْهامِ الْمِنِيَّه

ضميري ابكعبة المحنه يطفلي أو لهيبي من يشب دمعي يطفلي

صحت امك واهز مهدك يطفلي واعد الليل ساعاته بديه