يا حيدر نشجي امصيبتنه يا حيدر نشجي امصيبتنه

يوم الغمضت عينك عنه شفنه اللوعات اتمحنه

غربه و ضيم و نوح وونه و اتشفت عدوانك منه

جم ذبحه اخلافك ذبحتنه يا حيدر نشجي امصيبتنه

خلفت سفيان الملعونه عنك يا حيدر بعدونه

و الحقد الأسود راوونه نتنازل عنك يردونه

حبك يا حيدر فطرتنه يا حيدر نشجي امصيبتنه

جم مسجون و جم مسجونه جم أم الظلت محزونه

جم والد مشبوحه اعيونه نرجع ليهم ينتظرونه

و اعليهم طالت غيبتنه يا حيدر نشجي امصيبتنه

يا حاله النقدر نشجيها و جم قصه و صعبه اشرويها

و الشيعه الفقدت حاميها تنخاك انهض يا واليها

ليك اتوجهنه ابطلبتنه يا حيدر نشجي امصيبتنه

نصبر يا حيدر و انقاوم هيهات اعله الحق انساوم

و المظلوم اليصبر لازم يتحقق نصره اعله الظالم