يا حيدر هالطحنه ابشده يا حيدر هالطحنه ابشده

من يا جانب لو نبدي لك والينه و حق لو نشجي لك

بالضيج إنته التحمي إدخيلك و اليگصد لك حاشه إترده

ما يحوج نشرح حالتنه عندك معلوم ابگصتنه

جم مفتي الحلل ذبحتنه و جم جزار إعلينه إتعده

و هذا الوضع الجَاي إنشوفه من منكر غايب معروفه

و الناس امثبطه و مجتوفه بين التحذر و المرتده

حبك لو جان اليجمعنه ما عشنه ابغربه اتلوعنه

صحنه و لكن من يسمعنه طالت يمعودين المده

صحنه الوضع اشماله امگلب گالوا هالموقف يتطلب

مو تدرون الطاغي إتطلب و الواجب نتوحد ضده

الخوف السابق راح ووله خل ننهض مو كافي الذله

و لنزيد اعله الطين البله و بعد الجيش انطيح ابمده