من التجارب و العبر كفايه...لا ننسه قدمنه إشكثر ضحايه

غايتنه نرفع راية الولايه

راية علي البيها النصر تجسد ...سلمها بيده المصطفه محمد

بيها إنجله ليل النفاق الأسود...لو ما علي لا عابد و لا معبد

حيدر علي من الباري سيفه آيه...غايتنه نرفع راية الولايه

دين الله لليوم ابعلي إنتصاره ...يتسمه قانون العدل فقاره

و أكبر جريمه اللايد بفراره...ياخذ مكانه ابمنصب الإماره

إيطول الشرح لو نذكر البدايه ...غايتنه نرفع راية الولايه

أول قرار إتخذته السقيفه...حذفت نزول الآيه بالخليفه

ثاني قرار الهجمت العنيفه...كسروا ضلعها فاطمه الشريفه

هجمت حقدهم كشفت النوايه ...غايتنه نرفع راية الولايه

واحد يسلم واحد الخباثه...من السلف هذا الحقد وراثه

حب الوصي غايتهم إجتثاثه...نور الذي من فاطمه إنبعاثه

مصدر سبيل الرحمه و الهدايه...غايتنه نرفع راية الولايه

يالواعي عندك واقع و مصادر...لتغرك أزلام النظام الفاجر

إتذكر إخوتك و إذكر المقابر...و إرتكبوا إبحق شعبك المجازر

ما ينطلي إعله المخلص الدعايه ...غايتنه نرفع راية الولايه

قلهم بلا رجعه بعد حزبكم...إشلون الهتكتوا عرضه ينتخبكم

بس الوهابي الناصبي يحبكم ...فجر مراقدنه حسب طلبكم

واجب عليكم ضربة النهايه ...غايتنه نرفع راية الولايه