و الباري إبصوتك يتكلم ...يا حيدر

و بصوتك ناداك ...خسران العاداك...يا حيدر يا حيدر

يا أول اسم يا حيدر إنسمعه...يا آخر اسم و إشفافنه إتودعه

و حق إسمك مشينه و لا بعد رجعه...يا أول عهد و إنحورنه إتوقعه

يالحبك يكشف سيرتنه... يا حيدر

نعرف أخلاق الربتنه... يا حيدر

حي ميت بحماك...خسران العاداك... يا حيدر يا حيدر

على كل شي نقول إسمك تعودنه...و يسهل كل حمل مهما ثقل وزنه

إذا صحنه علي محد يقابلنه ...الجبل ينشال لو يا با الحسن صحنه

متعودين إنصيح إبكل شي... يا حيدر

ننهض نقعد نوقف نمشي... يا حيدر

إنت الما ننساك ...خسران العاداك... يا حيدر يا حيدر

الناس إتصيح حيدر من يشيعوني...أمانه عند علي لمن يدفنوني

نكير و منكر إبقبري يحضروني...أجاوب بس علي لمن يسألوني

إنت إبروحي و قلبي و عيني... يا حيدر

و أتحده النار التجويني ... يا حيدر

يا حيدر بحماك ...خسران العاداك... يا حيدر يا حيدر

قسم يالناصبه للموت أرفضكم...أنا عندي علي بس إنتم إشعدكم

باجر من يدافع بالحشر عنكم...مرفوضين بس النار تقبلكم

بالمحشر صوتي إيسمعونه... يا حيدر

و إنقلك دوله إيضدونه... يا حيدر

يربح من والاك...خسران العاداك... يا حيدر يا حيدر

يبو الغيره نصيح إدخيل بالمحشر...نجيك أفواج كلنه إنصيح يا حيدر

إذا سعرت جهنم يا علي تحضر...تره إبلياك دنيه و آخره نخسر

أحلف ما تترك أحبابك... يا حيدر

يا باب الله الواسع بابك ... يا حيدر

محبوب و نهواك...خسران العاداك... يا حيدر يا حيدر

إذا قالوا مغالي ما يغيروني...إذا مثلك أكو خلهم يراوني

أظل بإسمك أصيح و ما يسكتوني...أحبك لو ألف مره يذبحوني

ما أذكر بس أذكر إسمك... يا حيدر

بس إنت البلكلفه إنحشمك... يا حيدر

للموت إحنه إوياك...خسران العاداك... يا حيدر يا حيدر

يمن كل الكواكب تفتر إبجفك...صرت إنت العجيبه و محد يوصفك

فقط رب الخلايق و النبي إيعرفك...يباء البسمله و من يقدر يحذفك

نقطة باء و سر قرآنك... يا حيدر

يتوازن كل شي إبميزانك... يا حيدر

ما نسوه إبلياك...خسران العاداك... يا حيدر يا حيدر