يمن كل الكواكب تفتر إبجفه مثل شخصك يحيدر مو سهل وصفه

يسيف الله العِله الميزان ضرباته يمن سوح الحرب تتمنه حملاته

يسر الله و كتابه و محكم آياته أسد غالب يحيدر و إنت أبو الكلفه

يمن حتى العدو ما ينكر أفعالك جم فارس رجف من شاهد إخيالك

عجيبه الموت يا بو حسين يدنى لك عجب يقرب عليك الموت يا وسفه

أبطال الحرب تتراجف من إسمك يا موت الموت يا موت الوصل يمك

أشوفك يا علينه إمخضب إبدمك و موازين الفلك هاليوم مختلفه

عجيبه و القيامه اليوم ما قامت و العدوان وسفه إعيونهم نامت

يحيدر و اليتامه إقلوبهم حامت على بابك تريد إتشوفك إبلهفه

يحيدر و الكلايف إنت تحضرها عجيبه الوادم إتحملك يحيدرها

و إذا زينب تشوفك من يصبرها علي و جمر القلب هاليوم ما يطفه

وي زينب دموع العين نجريها وي هامت علي الهامات ندميها

كلنه إنصيح يا حيدر يحاميها يبو زينب جرح فرقاك ما يشفه