عيدكم مبارك ... وأيامكم سعيدة

والعيد عيدين ... بعباس وحسين

من ريحة الخمايل ... ومصافر البلابل

سوه المحب نشيدة ... تتغنى في المحافل

صارت مع الهلاهل ... ويه صدى الجداول

قيثارة للعقيدة ... تعزف على المشاعل

وهالقمر غار ... ظلّ محتار ... هالله هالله يعيني هالله هالله

من هالأنوار ... شتحمل اسرار ... هالله هالله يعيني هالله هالله

لاحت انوارك ... يا شهر العقيدة

ذكراك بالعين ... بعباس وحسين

يمنور القيامة ... تستاهل السلامه

يالوافد اللي منه ... تتحدر الإمامه

يا بو الحسن علامه ... تتحول ابتسامه

شبلك تراهُ جنّه ... موصوفه بالوَسامه

عمت أفراح ... هالبدر لاح ... هالله هالله يعيني هالله هالله

والمحب راح ... يصفق الراح ... هالله هالله يعيني هالله هالله

حيدر أولادك ... ذكراهم مجيدة

محبتهم دَين ... لعباس وحسين

تتمايل السنابل ... فوق الثرى وتسايل

من هالجماله آيه ... تتنزل او تباهل

يا درة المناهل ... محلاها ها الشمايل

حق البشر هداية ... نورك يبو الفضايل

في جبينه ... يا سمينه ... هالله هالله يعيني هالله هالله

هلّ علينه ... بالمدينة ... هالله هالله يعيني هالله هالله

فاحت ازهارك ... يا حامي العقيدة

شفناك بدرين ... عباس وحسين

اسم الله على اللي جانه ... زين العباد وشانه

هذا الكتاب ومنه ... ينقره ترجمانه

ريحانة الجمانه ... درة علي المصانه

حبل الإمامة منه ... يتلاله صولجانه

والسعد بان ... جانه شعبان ... هالله هالله يعيني هالله هالله

عالي الشان ... يعزف ألحان ... هالله هالله يعيني هالله هالله

بانت اوصافك ... واحروفك سديدة

يخلوك عالعين ... عباس وحسين

عيدكم مبارك ... وأيامكم سعيدة

والعيد عيدين ... بعباس وحسين