صحنه يا هله...إبحادي القافله

و الكون إبتهج بأعياده...و الكون إبتهج بأعياده

وجه الكون ظهرك للفرح صوره ...و رايات السعاده أصبحت منشوره

نسأل ليش هاي الدنيه مسروره...أثاري حسين شع إلنه و بزغ نوره

فرحانه السمه...لبست أوسمه

صاغ إلها الحسين إقلاده ...صاغ إلها الحسين إقلاده

فرحانه الأملاك و بالسمه إتنادي...إنولد رحمة الباري ابن النبي الهادي

هز روحه الجبل و إستبشر الوادي...حادي الخير هذا و هله بالحادي

حادينه نزل...وياه الأمل

راح إيسطر إلنه أمجاده...راح إيسطر إلنه أمجاده

هذا اليوم كل الدنيه مبتشره ...إبميلاد العداله الواضحه الكبره

خلونه نحيي والد العتره ...و إنهني علي و الطاهره الزهره

بالرحمه إجه ...و الحق منهجه

و بإسم العدل من ناده...و بإسم العدل من ناده

دون للبشر منهج الحريه ...و إبفضله إنعرف معنه العبوديه

أفكار العداله إبجفه مبنيه ...و إسلامه سلام إبكل معانيه

بإسلامه بنه...أمه مؤمنه

خله الخير عدهم عاده ...خله الخير عدهم عاده

نور حسين كل ليل الظلم ضوه ...و خله أيامنه المره أصبحت حلوه

عشق حسين نار بقلوبنه إشسوه ...صار إلنه إمام ووالد و إسوه

صار إلنه ولي...ابن حيدر علي

بيه خل يقتدون القاده...بيه خل يقتدون القاده