شيعتك يا بو حسين وياك فرحانين

كلما يمر شعبان وياك فرحانين

شيعتك مولاي كلها إمعيده هالشهر عهد الولاء إتجدده

يم أبو السجاد ليلة مولده إتبايعه إبطف كربله و إتعاهده

إتنادي كلها إبصوت وياك الحد الموت

رغماً على الأحزان وياك فرحانين

قصدت العباس تعلق له الشمع بالفرح هلت عله إخدود الدمع

للفضل من صار أبو فاضل نبع صيحة التكبير ظلت ترتفع

تحمل إشموع و ياس و إتنادي يا عباس

بالقلب و الوجدان وياك فرحانين

تهنئه ابها اليوم قدمها الزمن مولد السجاد إلك يبا با الحسن

عيد للإيمان ميلاده إنعلن الحور تنثر ورد من جنة عدن

عطرت منها الكون و التين و الزيتون

تتراقص الأغصان وياك فرحانين

بالفرح علقت للأكبر شمعته إبحضن أبو السجاد لمن شافته

إخذ من طلعت محمد طلعته بسمة القرآن جانت بسمته

من وجهه أشرق نور يتحده ليل الجور

و بنوره إنس و جان وياك فرحانين

إبمنتصف شعبان من صار الفجر إتيممت للنور آيات النصر

سجدت إبمحرابها سجدت شكر من بعد ميلاد سلطان العصر

هو الذخر للدين ناصر المظلومين

من مولده الأكوان وياك فرحانين