أميري حسينٌ ... ونعمَ الأمير

مولدك يحسين ... عطر الكونين ..بريحة القداح

وبرغم الأحزان ... لوعة الأشجان ..عمت الأفراح

وصارت الدمعات ... بالفرح آيات ..بالأمل مصباح

بالورد حور العين ... تنثر عله الكونين

نفرح بهالعيد ... نعلن التأييد ..لوالد السجاد

ونطش ورد ولياس ... الحضرة العباس ..ليلة الميلاد

ابروضة الإحسان ...نطلب الغفران ..بأجمل الأعياد

بصحنه منتظرين ... الراية والجفين

تقصد الزوار ...تحمل الأنصار ..ابصحنك الرايات

يبن داحي الباب ... اليقصدك ماخاب ..سيدي هيهات

يامن الملهوف ... يمك من ايطوف .. تحضر الشدات

من لحضة التكوين ... نهتف بيوم الدين

نوالي من والاك ... انعادي من عادك .. الآخر الأنفاس

صارع الأمواج ...حبك يضل تاج .. شامخ اعله الراس

البايعك منصور ... ابيوم نفخ الصور ... يشرب عله الكاس

بكل لحضه وبكل حين ...بيك احنه منتصرين

يابن داحي الباب ... القتل و الأرهاب ..والله مايهزنه

انصيح كلنا بصوت ... وياك حد الموت ..إنت قائدنه

على العهد وياك ... ابد ماننساك ..غيرك اشعدنه

الحاربك بعدين ... تاليه قاعد وين