البطل عباس هذا الجاي عد نهر العذب عناي

صاح إبصوت لو هالماي لو تشرب إعداي الماي

شنهو الجيش شنهو الموت شنهو الجرف شنهو الماي

جاب الشط عد حلق إسكينه

راد ايهوس العباس و الطف فتح ميدانه

و قام ابرايته و سيفه يذبج فوق عدوانه

و زينب أضربت إلها و صاحت أعد مولانه

يفني الطف لو عاد الهوسه

عباس إشتهه إيسبح طف كربله إبجفينه مغطها و سبحه سواها

سبعين ألف جيش ابن سفيان جماجمهم خرز للسبحه خلاها

و كركوشة السبحه الكوفه علقها و سبحة نصر سماها

ظل بيها إيدب خيره القومه

عن عباس لا تحجي أخاف إيورطوك الناس

إشتريد إتسولف إشتحجي إشتقيس و ما إله مقياس

صدق بس أبو فاضل يقدر يوصف العباس

هوس عباس العباسه

عزرائيل إشكثر ما قبض بإيده أنفاس

قلت جبريل أنا خايف من دعاوي الناس

خذاه جبريل دخيل الحضرة العباس

شد ملج الموت إبشباجه

العباس رقه و سيفه عنده إحساس

لذلك بالحرب يختلف عن الناس

الفرسان تزعل من يطب عباس

تزعل و بسيف إيرضيها

من صال القمر من صال لا ما همته الجيمان

وارث من علي حيدر و طاها المصطفه العدنان

و حته الفارس إينادي بالك تقرب من الميدان

هد العباس إعله الحومه

هد ابن الوصي حيدر قلع من الطفوف الباب

و إجه يذكر الناسي بدر و خيبر و أحزاب

مدري الثار عج إتراب لو خيم عليه إضباب

تترادم خيل و خياله