ليلة مبعث هادينه ...و يم الرضه إتلاقينه

إتعنينه المشهد زوار...إبمبعث نبينه المختار...يم الرضه إتلاقينه

شيعه و عله إجناح الفرح معتنين ...إبمبعث رسول الله النبي فرحانين

شفناها بالحضره الفرح شوف العين...نور الإمامه لوح و نور الدين

صورة نبينه و نوره...إبوجه الرضه هالصوره

شفناها إتشع الأنوار...إبمبعث نبينه المختار...يم الرضه إتلاقينه

إبمحفلنه قداح العشق خله إيفوح...مبعث نبينه بسلم الكل مجروح

خل ينسه حزنه البلحزن جان إينوح...و للهادي هالليله المحب يهدي الروح

للمصطفه يهديها...و بإيد الرضه ينطيها

إيهني الأيمه الأطهار...إبمبعث نبينه المختار...يم الرضه إتلاقينه

ليلة عرس عاشق لقه محبوبه ...أشرق فجرنه ووديعينه إغروبه

و الشوق أخذنه ابهالمسه بدروبه...تغلب أكو ناس و أكو مغلوبه

المغلوبه مو ويانه ...و الناجحه فرحانه

الناجحه أتباع الكرار...إبمبعث نبينه المختار...يم الرضه إتلاقينه

هالليله أول سوره من القرآن...تنزل عله الهادي نبي الأكوان

وين النبي لمن إختاره الرحمان...ما بين جعفر و الوصي أحمد جان

من إنبعث هادينه ...جفينه إبجف والينه

حاضر علي حامي الجار...إبمبعث نبينه المختار...يم الرضه إتلاقينه

عالشيعه يا ناس الفرح ثوبه إيلوق...بالمبعث إتلاقه العشق و المعشوق

امن إقلوبنه يم الرضه ننطي إعلوق...إمن إرموشنه الليله شمعنه معلوق

و إنهني ابهالمسيه ...بنت النبي الزجيه

ننشر فرحنه إبكل دار...إبمبعث نبينه المختار...يم الرضه إتلاقينه

من الله هالفرحه أمر و إنطيعه...و جبنه بيان الوحده جينه إنذيعه

فرحوا الوصي ابهذا الفرح يا شيعه ...و الليله إخذوا من علي توقيعه

صك الشفاعه الليله ...ينطينه حامي إدخيله

و إخذوا النجاة إمن النار...إبمبعث نبينه المختار...يم الرضه إتلاقينه