زينب غدر بيها الدهر...ريتك يعباس إتحضر

يا صاحب الرايه

وينك يا من إتفاوح وفه و إحساس

إختك و أنشدك بالنخوه و النوماس

خاتلني الدهر من عندي شاب الراس

دنياي إغدرت و إحضرني يا عباس

ظل الدمع هامل...وينك يبو فاضل

من همي محنية ظهر...ريتك يعباس إتحضر

شيبني الدهر فتني بمصاب أمي

و أنظر قلبي من شفت الوصي مدمي

و مثل جبد الحسن قلبي إبسهم مرمي

و تدري إبكربله ظل منسفك دمي

و بالعلقمي تدري...فقدك سلب خدري

قلبي إنذبح يم النهر...ريتك يعباس إتحضر

خويه و كربله إشلون أنسه عملتها

ما تطفه إبوسط دلالي جمرتها

إخت و إتشوف ضحايه راحوا إخوتها

إشلون إتهيد روحي من مصيبتها

و آنه إبهضم حالي...ما ظل إلي والي

بعد المهابه و الفخر...ريتك يعباس إتحضر

تذوب الروح حقها و حقها تعمه العين

عاميني الدهر من قطعت الجفين

إشلون إصواب صوبني يخويه البين

و إبعيني شفت مقطوع راس حسين

إقبالي شفت نحره...و خيل الوطت صدره

و طفله المصيوب النحر...ريتك يعباس إتحضر

ترضه غيرتك بعد الفخر و الشان

وقفوني يعباس إبوسط ديوان

بت حيدر و بيه طافوا البلدان

شصبر عالهضم لو غيبت الوليان

و الكفلوا إضعوني...بالغربه عافوني

و إستوحد إبقلبي القهر...ريتك يعباس إتحضر

الأجل لاحت عليه إطيوفه لو تدري

و ما بين الغرب و الهم خلص عمري