إجت ليك الخلق كلها و ناجيت

بإسمك زال كل همها و ناجيت

لعد بابك دعيت الله و ناجيت

أريدن حاجتي يبن الزجيه

الظالم رمل كرسيه هلا بيه

و اسمك عطر هالنشتم هلا بيه

ابميلادك يبو الهادي هلا بيه

وجهك شمس شعت عالوطيه

اشكثر شهدت ابحقه كتب سُنه

الجواد بكل زمان الجود سنه

لبس تاج الإمامة ابزغر سنه

و من جعفر الصادق بيه سجيه

عقد رضوان حفلة فرح بإسمه

لعد طه و خذت هالخلق بإسمه

هالليله حفلنه ايهتف بإسمه

الجواد ابن الرضه الحيد الشفيه

بزغ نورك يبو الهادي علينه

و لجل عينك عله الدنيه علينه

تهانينه لبو الحمله علينه

من هذا الحفل نبعث تحيه