حزين و ضاع صبري و روحي مهمومه أظل للموت أصيح الزهره مظلومه

ثارات ما ننساها للموت ما ننساها

شعار إبكل زمن و أهل الوفه إترفعه كتبت إعله القلب مظلومه يالبضعه

عله صوتي و أريد الناصبي إيسمعه تره حسابك يظالم ها قرب يومه

تراني من المهد هاليوم أنتظره يوم إعله النواصب نعلن الثوره

نبدي من السقيفه و عصرة الزهره نحاسب و القضية اليوم معلومه

وين الما رضه إبحيدر علي الأول يظل أول علي و بغيره ما نقبل

هتفنه إعله المشانق إحنه ما نندل إذا مره سكتنه لا تظن نومه

غداً ويه التحبه الخالق إيحشرك جهنم و العذاب إهناك ينتظرك

أنا إيعبرني حيدر و إنت شيعبرك و لا يشفع علي الكرار لخصومه

إذا خصمك علي منهو البقه عندك إذا شفت الزجيه بالحشر ضدك

ندم شيفيد و إنت الما صنت عهدك الظهر باجر صعب و إتشاهد إنجومه

صبرنه إعله الجمر نتأمل الساعه نريد الثار من الثاني و أتباعه

إذا صاح الضمير الغيره فزاعه إذا غيّم سمانه تنجلي إغيومه