طالع تحمل نعش الزمن... يا با الحسن يا با الحسن

قبرين إهنا يتضعين ...يا با الحسن يا با الحسن

فاطمه إتضيع قبرها...و محسن الفارق صدرها

يا با الحسن يا با الحسن

تطلع يا علي و بليل نعش البيه ضوه إتشيعه

تحمل بيه صدر مجروح صبرك ما جبر ضلعه

تحمل بيه جفن حرموه إمن الدنيه و رخص دمعه

من صدرك تقول إشلون بيدك قلبك إتطلعه

أول ليله إعيونك بجن ... يا با الحسن يا با الحسن

و إعيونه أيتامك ساهرن... يا با الحسن يا با الحسن

يا علي إبليلة يتمهم ...للبقيع إتشيع إمهم

يا با الحسن يا با الحسن

بالبيت بالحزن تطلع بآخر ليل آلامك

بيها للبقيع إتروح إنت و دمعة أيتامك

إشلون إعله التراب إتنام هذي زهرة أيامك

بيدك غسلتها إشلون شفت إجروح قدامك

إشلون إمتون اللي ورمن ... يا با الحسن يا با الحسن

ظلن سود من إتغسلن ... يا با الحسن يا با الحسن

للضلع بيدك لمسته ...وبدمع عينك غسلته

يا با الحسن يا با الحسن

بتراب الليالي إشلون تدفنها شمس عمرك

إنت إمن الضلع شفته ما عانك بعد صبرك

و إتمنيت أظن هاليوم تدفن فاطمه إبصدرك

يو لا يمها تتمنه بهالليله إنحفر قبرك

روحين إشلون إتفارقن ... يا با الحسن يا با الحسن

عمرين و بس عمري إندفن ... يا با الحسن يا با الحسن

عمرك إيظل الفجيعه ...و إندفن عمر الوديعه

إشلون أطهر جسد بتراب هالليله تجي إتواريه

مو تدري الضلع مكسور و إثقيل التراب إعليه

مو تدري الصدر مجروح و إتراب اللحد ياذيه

و بدال الكساء إشلون جفن وجه الضوه إيغطيه

ميضم جرح البضعه الجفن ... يا با الحسن يا با الحسن

ينزف دم و هم و محن... يا با الحسن يا با الحسن

لا جفن يغفه إبلحدها...و إنت هم تسهر بعدها

يا با الحسن يا با الحسن

مظلومه مشت لله و عين المنظلم متنام

و المحسن قبلها راح واريته قبل أيام

منه إنحرمت و حرموه منها إبعتبة الالام

و ظليت إنت و إقبالك يا حيدر تشوف أيتام

إقلوب أيتامك يتراعشن... يا با الحسن يا با الحسن

هذا حسين و هذا الحسن ... يا با الحسن يا با الحسن

هذي أمهم فارقتهم...إتيتموا هم و إختهم

يا با الحسن يا با الحسن

راحت فاطمه ابيا روح توقف عمرك إتودعه

فدكها ضاع من عدها و قبرها بيدك إتضيعه

ما واحد يمر إعليه و يعلق عالقبر شمعه

و تتنطر يجي غايب يوم اليظهر إيطلعه

إعيون أحزانك يتنطرن ... يا با الحسن يا با الحسن

يظهر غايب تالي الزمن... يا با الحسن يا با الحسن

للحد هو يكشفه...و الصدرها إيداوي نزفه

يا با الحسن يا با الحسن

يظهر للبقيع إيروح يومه ما مثيله يوم

قبر أمه يشوفه وين و يكشف كل قبر معلوم

إجروح الفاطميه إهناك تنزف من قلب مهضوم

و إيشوف الضلع بعده بالطف جم ضلع مهشوم

إضلوع إشقد بعده إتهشمن ... يا با الحسن يا با الحسن

و إمتون إشقد إتجرحن ... يا با الحسن يا با الحسن

و من بعد محسن ينظره...جم طفل قطعوا له نحره

يا با الحسن يا با الحسن