حيدر ...قدامك مظلومه

لا لتصبره...هاي الزهره ...قدامك مظلومه

يا حيدر إقبال الجرح لا سيفك إبغمده إينام

و هيهات منديل الصبر يمسح إدموع الآلام

عالباب حطاب و حطب و إسياط هاي و ظلام

بالخدر بضعه يا علي و من تتنفض ما تنلام

حيدر ...سيفك يمته إتطلعه

حيدر... و إبيت الله البضعه

امأمنه إبخدره...هاي الزهره ...قدامك مظلومه

يا حيدر إبيت الذي إختاره السمه للقرآن

و حته محمد من يجي و يدخل عليه بستأذان

و اليوم عالباب الجرح ينزف إقبال الدخان

من بيت بيه صله الوحي لن صبح بيت الأحزان

حيدر ...لن اليوم إببابه

حيدر... للنار و حطابه

و تدري الغدره...هاي الزهره ...قدامك مظلومه

فاطمه جوهرة الزمن و إشلون سيفك ميثور

و هذا إعله وجه أم الضوه لؤلؤ دمعها منثور

يا حيدر و هذا الجرح ينزف شفت دم و نور

و إتشوفها جف عالجفن جف إعله ضلع المكسور

حيدر ...وجه البضعه الآيه

حيدر ...للقرآن إمرايه

آيه الكبره...هاي الزهره ...قدامك مظلومه

يا حيدر إقبالك جفن عين الحياة أحمر صار

دمعه جوه خد الزمن و ما غسل دم المسمار

و آية التطهير الإجو رادوا يحرقوها إبنار

و لو جان هذي جارتك هم إنت حماي الجار

حيدر ...شفت الجفن اليلهب

حيدر ...صدر الدنيه إمخضب

دم و حسره...هاي الزهره ...قدامك مظلومه

و إشلون يم بابك شفت دم و دمع يتفجر

و آية القربه إتخضبت يا علي إبدم الكوثر

و إنت الذي جف همتك هز الوجود إبخيبر

و إشلون ميهزك جرح أطهر صدر يا حيدر

حيدر ...زهرائك جرحوها

حيدر ...بالدم إيصبحوها

أم العتره ...هاي الزهره ...قدامك مظلومه

يا حيدر إبباب الصبر فاطمه محسن و إمصاب

مو إيد وحده يا علي إمتدت عليها إبهالباب

عاين عضدها إشبيه أثر من سوط ابن الحطاب

عاين وجهها و الجفن شوف الصدر بيش إنصاب

حيدر ...لو بيهن متخبرك

حيدر جا ما قلك صدرك

وكت العصره ...هاي الزهره ...قدامك مظلومه

يا حيدر و عمر الشمس من قصره ليل القوم

ظليت إنت و الصبر من وجه شمسك محروم

بمجانها الخالي نزف قلبك يا أول مظلوم

و مسمار ظل يا حيدره ايجرح إصدور إلها اليوم

حيدر ...ظليت بالآمك

حيدر... إنت و دمع أيتامك

تحت الغبره...هاي الزهره ...قدامك مظلومه