ضجت أملاك السمه إبهاي المسيه تنعه و تنادي يفاطمة الزجيه

يا زهراء يا زهراء مظلومه يا زهراء

شيعتج هذا المسه إتنوح و تنادي أبد ما ننساج يا بضعة الهادي

إنوالي من والاج وإنعادي اليعادي و لعنة الله عله السبب هالرزيه

إشسوت أرباب الفتن و أهل المطامع تجري و اليوم الحشر منه المدامع

كل مصاب الصار لمصيبتج راجع إبكسر ضلعج صوبوا حامي الحميه

إشلون شاف الولي ضلعج يالشفيعه و إنتي من المصطفه عنده وديعه

هذا هوه القالع الباب المنيعه و ترتهب من حيدره حته المنيه

إبكسر ضلعج منكسر ضلع الرساله همه بالمحراب صابوها العداله

و زلزل إمصاب الولي عرش الجلاله و ماجت أركان السمه ويه الوطيه

يالزجيه ريتج إعيونج تنظره إبكربله حسينج نزف عالغبره نحره

و داسته إخيول و بعد هشمت صدره صوبه سهم الغدر بالغاضريه

عالنهر نايم بقه حامي الضعينه قطعوا إزنوده بعد طفوا له عينه

من عقب جفينه يسراه و يمينه مشت زينب تالي أخذوها سبيه