يا من منتظر من السمه أمرك بتراب البقيع إجروح تنتظرك

ميداوي صدر مجروح كل صبرك و لتشد بيه ضلع مكسور و إتضمده

ينتظرك صدرها المنكسر ضلعه ينتظرك جفنها الما نشف دمعه

ينتظرك يغايب محسن البضعه هم مثل أمه ضايع هالطفل لحده

على دربك يغايب كل جفن مشبوح من أرض المدينه للطفوف إتروح

هم تلقه رضيع إبكربله مذبوح و هم بالنار تلقه محترق مهده

إهنا خدر البتول إنداس يوم الدار إهنا صدر الوديعه إمجرحه المسمار

و بخدر العقيله إهناك خيل و نار مثل أمها متنها و الأثر بعده

مسمار المدينه إسهام صار ووين بالطف و إنطفت بيه عالشريعه عين

بعد نحر الرضيع إنصاب جبد حسين عطشان و عله إتراب الصبر بعده

إهنا قبر الوديعه بيه جرح مظلوم و بالطف قبر إبنها بيه صدر مهشوم

و رايه إبكربله منتظرتك لليوم لأن عباس يمها إجفوف ما عنده