إقبالك فاطمه شتقول يا حيدر دمعها إيخبرك امن إنين الجفن أحمر

وجها الجان بيام النبي يزهر صفرت موت هاي إعليها تنظرها

وجها اللي يقبله المصطفه إبعهده لن تشوف أثر جف ظالم إبخده

فدكها راح ما سهرت لجل رده يا حيدر ضلع مكسور سهرها

عله إفراش المنيه فاطمه إقبالك و قطره قطره ذابت شمعة إليالك

يا صدر البعد بيه تحضن أطفالك صدرها بيه جرح بيمن تصبرها

تتقلب عله إفراش المنيه إتشوف و عله راس الوديعه الموت هذا إيطوف

و بعيون الحسن و حسين دمع الخوف و إوداع إوي زينب هذا أثرها

يا حيدر صدرها اللي نزف همه عن عينك يحيدر فاطمه إتضمه

و بالباب إنت يا حيدر شفت دمه أثر خله إعله بابك جف العصرها

ذاك الباب و الدم ذاك بالمسمار و هذي فاطمه إقبالك يحامي الجار

ساعات الوداع إويه العزيز إقصار و هذا آخر عمرها الموت يخبرها