يالزهرة الدمع ناداج بأمواجه اذا مو منج منين اطلب الحاجه

يامن اسمج الطاهرة المرضية حاجات اللي يطلب ادري مقضية

اجيتج يالعرفتي اشبيه مابية وتدرين شدهاني وشنهي محتاجه

كلمن يعتني لج ما اظنه يخيب والمعلول باسمج يالزجية يطيب

بيج الكون ربنه مرتبه ترتيب وذيج انوارج اعله العرش وهاجه

روحي اتعلقت باسمج عله الفطره وغيرج كسر قلبي منهو ليجبره

اناجيج بدمعتي وهضمي يالزهره وآنا وياج متعود اعله لمناجه

يا بضعة محمد جيتج إبطلبه و تسهل يالزجيه إقبالج الصعبه

القلب مكروب من هالدهر جم كربه و إنتي للكرب و الشدد فراجه

اشكي لج زماني بحسرتي ونوحي وقبالج دمعتي توصف جروحي

يالزهرة الزمن حيرني وبروحي شيد للحزن والهضم أبراجه

معصومة والج من ربج العصمه منج اطلب الاحسان والرحمه

خليني اظل وياج عالخدمه ابجاه السلبوا بعد الذبح تاجه

يام الحسن لافضالج تصد عيني اترجه الشفاعة وماتخيبيني

صحت يافاطمة من النار فطميني لو صار الحشر وانجمعت افواجه

هاي اقلوبنه يالزهره ملهوفه ضريج يا وكت ينكشف و إنشوفه

نذر قبرج نزوره ازحوف و إنطوفه كعبه ايصير قبرج و إحنه حجاجه