واسي الحسن واسي حسين ...يحماي الحميه

ضاقت عليه دنيتي... دنيه الجور ضاقت عليه

و آنه أرد أوصي أوصيتي... داحي الباب هاك الوصيه

بيدك ورايني إبغربتي... أرد أنخاك حامي الحميه

و كل شده كل محنه أنخاك ...هاك آخرنه وليه

بالك إيشيعوني إعداك...يحماي الحميه

للفرقه حيدر شد حيله ...للتوديع و الفرقه مره

عاهد للزهره ابهالليله... بالدمعات عاهد للزهره

يشجي ابدمعاته و تشجي له... و النيران وجرت صدره

ايقلها اشلون أقدر اشلون... أدفن نجم الثريه

ردت و الفرقه متهون...يحماي الحميه

داحيها ظل اعله العهد... للأحزان ظل اعله عهده

من عنده الدلال انمرد ...ظل الليل للدفن وحده

ناداها وعدج للأبد ...للكرار دمعته و جبده

إيقلها روحي ووجداني... اشما لج صديت اعليه

ردت لحدي و ضي عيني...يحماي الحميه

و آنه أرد أخبرن بالجره... للمختار و أشجي ابونيني

عقبك بقيت إمحيره ...حته النوم خاربت عيني

مني الضلوع امكسره ...و الغدار سقط جنيني

ابباب الدار ايشب النار ...شمت عدواني

آذوني عصبة أشرار...يحماي الحميه