اليموت إشلون من يسمع حسبنه

و جثير إجروح بفراقك حسبنه

الثارك يطلع المهدي حسبنه

الهدم قبرك هدم بيتي عليه

يغايب ننتظرك و الحساب

و يطول هالقد إغيابك و الحساب

يا جف السلب زينب و الحساب

إقطعه و فرح الزهره الزجيه

غفت عيناي و الناعي وعاني

و إجيتك يالحسن قاصد وعاني

أعاني من جمر فقدك وعاني

القهر و النوح و الهم و الأذيه

المحب ما يوم إلك بالحزن هملان

حتى الصخر من بلواك هملان

يبو المهدي عليك الدمع هملان

مثلما تهمل إعيون الثريه

أون يالعسكري البلواك وبكل

مصابك بالمقدار وبكل

هدم قبرك خبيث الذات وبكل

قلب مرقد إلك يبن الزجيه

ابن من نزلت إبمعناه عمه

شهيد و صبح عام الحزن عمه

الحسن مسموم مثل الحسن عمه

و للخالق نطه روحه هديه